Friday, December 13, 2013

Զորավար Անդրանիկի ապտակը Մարշալ Բաղրամյանին

1968թ, Երևան, պետհամալսարան, ԽՍՀՄ մարշալ Հովհաննես Բաղրամյանի հանդիպումը ուսանողության և պրոֆեսորադասախոսական կազմի հետ: Այն հարցին, թե մարշալը երբևիցե հանդիպե՞լ է զորավար Անդրանիկին, պատմեց հետևյալը:

… 1918 թ. մարտին Սարիղամիշի Խորասան գյուղի մոտ մեր ջոկատը կանգ առավ կարճատև հանգստի: Էրզրումից նահանջում է զորավար Անդրանիկը՝ ավելի քան 15000 գաղթականներով: Առավոտ շուտ ինձ դուրս կանչեցին: … Զորավարը խոժոռ հայացով նայեց ինձ ու ապտակեց.
Կոռնետ Վանո՛, քո այդ երեսուն զինվորները իմ հույսն են… բայց ինձ լուր տվին, որ նրանց մի մասը հրաժարվել է կռվել: Սա մեր հայրենիքն է, ինչ կարևոր է , թե ովքեր են ղեկավարում: Հայրենիքը միշտ կապրի նվիրյալ չարքաշների կյանքով… Գնա, կարգի բեր քո Էսկադրոնը:
Ցավալի էր, 1918 թ, գարնանը ամենուրեք կարելի էր լսել՝ «թող հիմա էլ աղաների տղաները կռվեն, հերիք է մենք ինչքան կռվեցինք»:
Զորավարի ապտակը ինձ մարշալ դարձրեց: Ոչ մի պարագայում չի կարելի հայրենիքից նեղանալ: Չէ ո՞ր1941 թ-ին աքսորի մեջ գտնվող մեծ թվով խորհրդային գեներալներ վերադարձան պայքարելու ֆաշիզմի դեմ, ինչպես օրինակ՝ մարշալ Կոնևը….

Աղբյուրը՝ armcult.am 

1 comments:

  1. Ձեր գրառումը տեղ գտավ www.Blognews.am կայքում: Շնորհակալություն:

    ReplyDelete

 
© 2013 Հեռադիտակ | Designed by Making Different | Provided by All Tech Buzz | Powered by Blogger | Edited By Logic