Ներկայացնում Եվա Մարկոսյանը,
Ավագ դպրոց-վարժարանի 10-րդ դասարան:
Կյանքը
այն ամենն է ինչ լինում է, պատահում է
մեզ հետ: Կյանքը և՛ մեծ նվեր է, և՛ ժամանակ, ընթացք, երջանկություն, տխրություն, ամեն ինչ: Նվեր է Աստծու
կողմից, ժամանակ է այն առումով, որ հենց այդ ժամանակում է կատարվում ամեն ինչ, ծնվածդ
օրվանից, միջև մահ, հենց այդ ժամանակահատվածն է ինձ համար կյանքը: Իսկ երջանկությունը,
տխրությունը, ուրախությունը, սերը, ատելությունը այդ բոլոր հույզերը, զգացմունքները
կյանքը զարդարող բաղադրիչներն են: Կյանքի ընթացքում մենք անցնում ենք մի շարք փորձություններ,
որոնք էլ կյանքի դասերն են: Այսինքն՝ եթե ինչ-որ փորձություն է, և դու դա հաղթահարում
ես, դա ինձ համար նշանակում է, որ ինչ-որ կյանքի էտապ ես անցել: Կյանքի ընթացքում մենք
անում ենք ընտրություններ, ճիշտ թե սխալ, բայց մենք դրանք անում ենք: Հիմնականում հենց
այդ ընտրություններից էլ կախված է մեր հետագա կյանքը: Բերեմ մի պարզ օրինակ՝ հիմա ես
սովորում եմ 10-րդ դասարանում, և կարծում եմ, որ ինձ հասակակից բոլոր երեխաներն էլ արդեն
ինչ-որ մասնագիտության ընտրություն են կատարել: Արդեն այս ժամանակից սկսած մենք ընտրություն
ենք կատարում, որ առարկային կարևորություն տալ, իսկ որին ոչ: Միգուցե որոշ դեպքերում
սխալ ընտրություն ենք կատարում, բայց այդ պահին մենք դա ենք ճիշտը համարում և ի վերջո
եթե ինչ-որ սխալ բան արած լինենք հենց մենք ենք դրան պատասխան տալու: Այսինքն, եթե
ես ընրել եմ երաժշտի մասնագիտությունը, ապա ես բնագիտական առարկաներին կարելի է ասել
ուշադրություն չեմ դարձնում, ավելի շուտ ոչ թե ուշադրություն չեմ դարձնում, ավելին՝
նույնիսկ ես հիմա չեմ էլ անցնում այդ առարկաները: Բացի դրանից, որ ես տանել չեմ կարողանում
այդ առարկաները, այլև ես կարծում եմ, որ եթե ես երաժիշտ եմ դառնալու, ապա ինձ պետք
չեն դրանք շատ խորացված անցնել: Ինչքան որ անցել եմ ինձ այդքանը բավարար է: Ինձ ընդհամենը
3 տարի է մնացել դպրոցը ավարտելու համար, և այդ 3 տարվա ընթացքում ես դեռ լիքը բաներ
ունեմ սովորելու, անելու: Եվ հենց այդ իսկ պատճառով արդեն ես սկսել եմ ավելի շատ շեշտը
դնել իմ բուն մասնագիտության վրա: Ի վերջո կարծում եմ, որ կյանքը ամբողջովին կառուցված
է փորձությունների և ընտրությունների վրա, քանի որ հաղթահարելով մեկը, մյուսն է գալիս,
ամեն ինչ շաղկապակցված է:
“Don't cry because it's over,
smile because it happened.” - Dr. Seuss
Մի լացիր, որովհետև այն վերջացել է, ժպտա, քանի
որ այն պատահել է:
“You've gotta dance like
there's nobody watching,
Love like you'll never be hurt,
Sing like there's nobody listening,
And live like it's heaven on earth.” - William
W. Purkey
Դու պետք է պարես այնպես, կարծես ոչ ոք քեզ
չի նայում,
Սիրես, կարծես դու երբեք վիրավորված չես եղել,
Երգես, կարծես ոչ ոք քեզ չի լսում,
Եվ ապրես այնպես, կարծես դրախտ է երկրի վրա:
“You
only live once, but if you do it right, once is enough.” - Mae West
Դու ընդհամենը մեկ անգամ ես ապրում,
բայց եթե դու այն ճիշտ անես, մեկ անգամը բավարար է:
“Good friends, good books, and
a sleepy conscience: this is the ideal life.” - Mark Twain
Լավ ընկերներ, լավ գրքեր և քնկոտ
խիղճ: Սա է իդեալական կյանքը:
“I'm not afraid of death; I
just don't want to be there when it happens.” - Woody Allen
Ես չեմ վախենում մահից: Ես պարզապես
չեմ ուզում այնտեղ լինել, երբ որ այն կատարվի:
“Everything
you can imagine is real.” -Pablo Picasso
Այն ամենը ինչ դու կարող ես պատկերացնել, իրական է:
0 comments:
Post a Comment