Ինչի համար է տրված իշխանությունը

Կառավարման համակարգն իրենից ներկայացնում է տվյալ երկրում իշխանության ձևավորման և ժողովուրդ-իշխանություն փոխհարաբերությունների համակարգ:

Երկրի կառավարման գլուխ եկած ցանկացած իշխանություն պետք է նախ և առաջ մտածի իր երկրի, իր երկրում ապրող ժողովրդի բարեկեցության մասին:

Իհարկե չէի ցանկանա քննադատել մեր իշխանությանը, մանավանդ որ վերջերս շատ է այն մադկանց թիվը, ովքեր, պարզապես հետ չմնալով իրենցից ինտելեկտով ավելի զարգացած մադկանցից, միայն քննադատում են մեր իշխանությանը: Չեմ էլ կարող ասել, սակայն, որ մեր իշխանությունը «սուրբ» է: Իհարկե, ներկայումս Հայաստանի Հանրապետության գլուխ կանգնած իշխանավորներից շատերը մտածում են միայն իրենց բարեկեցիկ ապագայի մասին՝ մոռանալով իրենց առաքելությունը:

 Ըստ իս, իշխանությունը մարդկանց կյանքը բարելավելու, նրանց համար բարեկեցիկ կյանք ստեղծելու, երկրի արտաքին և ներքին կայունությունը պահպանելու համար ստեղծված ընտրովի մարմին է: Ընտրովի,այսինքն՝ մարդիկ իրենց կամքով պետք է ընտրեն իշխանավորներին՝ վստահելով նրանց իրենց և իրենց երեխաների ապագան և անվտանգությունը: Եթե ամեն ինչ ընթանա այնպես,ինչպես պետք է, կտիրի փոխադարձ վստահության մթնոլորտ, ժողովուրդը կընդառաջի իր առաջնորդներին և վերջիններս միմյանց օգնելով կկառուցեն բարեկեցիկ երկիր:

Ես հույս ունեմ, որ մոտ ապագայում մենք կհասնենք այն երկրների մակարդակին, որտեղ մարդիկ կարողանում են ազատ արտահայտել իրենց կամքը և զգալ իրենց երկրի տերերը:

Սակայն համամիտ չեմ նաև նրանց հետ , ովքեր անվերջ քարկոծում են իշխանություններին `չանելով ոչինչ իրենց երկրի համար։

Լավ թե վատ՝ մեր նախագահը մեկն է: Մենք ուրիշը չունենք և որքան էլ ըմբոստանանք նրա դեմ, պետք է հիշենք, որ այս պահին նա է մեր երկրի դեմքը և քարկոծելով նրան օտար աչքերում ` քարկոծում ենք մեր երկիրը:

Ուստի յուրաքանչյուրը թող պահպանի ի ունեցածը`ձգտելով ավելի լավին:

Լիլիթ Մելքոնյան,10-3 դասարան