Ինչպիսի փոփոխություններ են անհրաժեշտ մեր քաղաքին ավելի գրավիչ դառնալու համար

Իմ կարծիքով Երևանը գեղեցիկ է, համենայն դեպս այն ժամանակ, երբ չի լցվում աղբով: Բոլորը բողոքում են, որ չեն ապրում մի էնպիսի քաղաքում, որը ավելի մաքուր է, գեղեցիկ, գրավիչ: Ճիշտ է, մեր քաղաքը ունի բազում թերություններ:

·       Միշտ չէ, որ մաքուր է:

Շատ ենք տեսել գարշելի տեսարաններ, երբ մարդիկ թափում են իրենց աղբը ոչ սահմանված տեղում: Աղտոտելով մեր շրջապատը` մեղադրում ենք ուրիշներին, այնինչ ինքներս ենք մեղավոր ու պետք է լուծումն ինքներս գտնենք :

·       Պետք է հոգատար լինենք բնության հանդեպ:

Պետք է քայլել ուշադիր և սահմանված տեղերով, որպեսզի չվնասենք բնությունը: Այնինչ, երբ մի նոր ծաղիկ ենք տեսնում մի գեղեցիկ վայրում, ագահաբար արմատախիլ ենք անում, ու ամբողջ գեղեցկությունը վերանում է: Պետք է ուշադիր լինենք ամեն մի ծառի, թփի, ծաղկի հանդեպ ու փորձենք չվնասել այն ինչ գեղեցկացնում է մեր քաղաքը:

·       Պետք է վերանա մուրացկանությունը:

Ամեն գնով պետք է օգնենք մարդկանց, որպեսզի բոլորն ունենան իրենց սեփական տանիքը, որ փողոցներում չթափառեն ու փող չաղերսեն:
Չնայած արդեն դժվար է տարբերել նրանց, ովքեր իսկապես ունեն փողի կարիք և նրանց, ում համար դա «աշխատանք» է դարձել :

·       Չկան խոտածածկ տարածություններ:

Ինձ թվում է` բոլորս էլ սիրում ենք նստել խոտածածկ տարածության մեջ, գիրք կարդալ, երաժշտություն լսել, նաև նվագել, կամ ուղղակի զրուցել ու զբոսնել:  Քիչ են այդպիսի տեղերը:

Այսպիսի օրինակներ անվերջ կարող եմ թվարկել: Բայց ինչքան էլ մեր քաղաքը վատը թվա, միևնույն է, մենք սիրում ենք այն:

Մարիամ Միրզոյան,10-1 դասարան