Ցանկությունների ու պարտավորությունների մասին

Հաճախ լսում ենք այսպիսի արտահայտություններ.
Ես ցանկություն չունեմ, բայց ցավոք պարտավոր եմ կարդալ այս գիրքը
Ես պիտի նրան նվեր գնեմ, չէ՞ որ նա իմ ծնունդին ևս ինձ նվիրել էր գնել։
Ես պիտի նրան զանգեմ, հակառակ դեպքում նա կասի, որ չեմ հիշում իրեն։
Կարծում եմ՝ հասկացաք,թե ինչի մասին եմ խոսում և կհամաձայնեք  նրա հետ, ինչ հիմա կասեմ:
Մեր կյանքն ամբողջությամբ պարտականությունների ու պարտավորությունների մի կծիկ է... Ամեն ինչ մենք անում ենք պարտավորված ու պարտականություններից դրդված:

Հազվադեպ ենք վարվում այնպես, ինչպես մենք ենք ցանկանում, և մեր սիրտն է մեզ թելադրում: Նույնիսկ մարդկանց սովորական շփումն է դարձել պարտավորված ու ստիպողաբար... Հիմնականում մարդկանց հետ շփվում ենք համացանցում, պարտավորված պատասխանում ենք որոշ նամակների։Իսկ մենք ինքներս երբեմն չենք համարձակվում գրել նրան, ում ուզում ենք: Անում ենք մեր քայլերն այնպես, ինչպես ընդունված է, այլ ոչ թե այնպես, ինչպես մենք ենք ուզում:                                                           

Խնդրում եմ, ապրիր այնպես, ինչպես սիրտդ է ուզում, այլ ոչ թե այնպես, ինչպես պարտավորվածություններդ են դրդում քեզ անել... Մի պահ ապրիր սրտով ու հոգով և առաջնորդվիր «Ես ուզում եմ և պիտի անեմ դա», այլ ոչ թե « Ես պարտավոր եմ»:
Սաթենիկ Սողոյան